İsrailin Müdafiə Ordusunun “Duvdevan” xüsusi təyinatlı dəstəsi ŞABAK-ın (Ümumi Təhlükəsizlik Xidməti) kəşfiyyat məlumatlarına əsaslanaraq gecə saatlarında məxfi əməliyyat həyata keçirib. Nəticədə Ramallah bölgəsində yerləşən Eyn-Umm əş-Şarayt kəndində “Binyamin” briqadasının məsuliyyət daşıdığı ərazidə terror şəbəkəsi qurmağa cəhd edən iki silahlı şəxs ələ keçirilib.
KONKRET.az Oxu.Az-a istinadla xəbər verir ki, bu barədə İsrail Müdafiə Ordusunun (SAXAL) mətbuat xidmətindən məlumat verilib.
“Tutulan şəxslər sonrakı araşdırmaların aparılması üçün müvafiq təhlükəsizlik qurumlarına təhvil veriliblər. SAXAL və ŞABAK bütün İudeya və Samariya ərazisində terror fəaliyyətlərinin qarşısını almaq məqsədilə öz əməliyyatlarını bundan sonra da davam etdirəcəklər”, – deyə rəsmi bəyanatda vurğulanır.