Cozef Aunun Livan prezidenti seçilməsi beynəlxalq dəstəyin bərpasına və Aİ-Livan tərəfdaşlığının tam bərpasına yol açacaq.

KONKRET.az xəbər verir ki, bunu Avropa diplomatiyasının rəhbəri Kaya Kallas bildirib: “Bu mühüm addım Livan xalqı üçün bir ümid və sağalma anını simvolizə edir. Biz Livan parlamentarilərini məsuliyyət nümayiş etdirən geniş konsensusa nail olduqları üçün alqışlayırıq”. Aİ-nin xarici işlər üzrə yüksək rütbəli nümayəndəsi qeyd edib ki, milli birlik ruhu son münaqişələrin nəticələrinin aradan qaldırılmasında, siyasi sabitlik yolunu tutmaqda cəmiyyətin müxtəlif təbəqələrindən olan bütün vətəndaşların iştirakını təmin etmək üçün həlledici əhəmiyyətə malikdir. Bəyanatda da sonra deyilir: “Aİ reformaların gündəmini və perspektivlərini irəli apara biləcək tamhüquqlu hökumətin sürətlə formalaşmasını gözləyir”. Xatırladaq ki, Cozef Aun bundan əvvəl  ölkənin silahlı qüvvələrinin komandanı vəzifəsini tutub.

Vəli Həsənoğlu,

KONKRET.az