Türkiyədə seçkilər mayın 14-dən iyunun 18-nə təxirə salına bilər.

KONKRET.az xəbər verir ki, bu barədə cümə günü “Duvar” qəzeti Türkiyənin müxalifətdə olan İyi Partiyasının lideri Meral Akşenerin bəyanatına istinadən yazıb. .

Türkiyədə keçirilən ümumi seçkilər ölkənin cənub-şərqində baş verən dağıdıcı zəlzələlərə görə mayın 14-dən iyunun 18-nə təxirə salına bilər.

“Jurnalist Murat Etkin Akşənərə sual verib: “Zəlzələ seçki tarixinə təsir edəcəkmi? Fövqəladə vəziyyət elan edildikdən sonra seçkilər təxirə salınacaqmı? Akşener suala o qədər də xoş olmayan ifadə ilə cavab verib: “Seçkilərin mayın 14-də keçiriləcəyini düşünmürəm, amma 18 iyuna təxirə salınacağını düşünürəm” deyə qəzet dialoqdan bəhs edir.

Qəzet onu da ehtimal edir ki, ölkə parlamenti seçkilərin bir il müddətinə təxirə salınmasına qərar verə bilər.

Akşener parlamentdən belə bir qərar gözləmir. O, əlavə edir: “Biz siyasətçilər seçkilərin baş tutması üçün əlimizdən gələni etməliyik”, – deyə nəşr siyasətçinin sözlərindən sitat gətirir.

Türkiyənin hazırkı prezidenti Tayyib Ərdoğan bir müddət əvvəl ölkədə ümumi seçkilərin(həm prezident, həm də parlament seçkiləri) mayın 14-nə təyin olunduğunu bildirmişdi.

Türkiyə lideri bildirib ki, hökumət Türkiyədə ümumi seçkilərin mayın 14-ü kimi qəbul edilməsini parlamentə təklif edəcək və bundan imtina edəcəyi təqdirdə prezidentin səlahiyyətlərindən istifadə edəcək.

Ərdoğanın səlahiyyətləri fərmandan 60 gün sonra parlamenti buraxmaq və növbədənkənar seçkilər təyin etmək üçün kifayətdir. Ərdoğan qarşıdan gələn seçkilərdə “Cümhuriyyət Birliyi”nin namizədi olacaq.

Altı müxalifət partiyasının koalisiyası hələ ki, namizədini açıqlamayıb.

Xuraman Etibarlı,

KONKRET.az