Bu il sentyabrın 30-dək Ədliyyə Nazirliyində 5 393 mətbu nəşr uçota alınıb.

KONKRET.az xəbər verir ki, bu barədə Trend-in sorğusuna cavab olaraq Ədliyyə Nazirliyindən məlumat verilib.

Bildirilib ki, mətbu nəşrlərin istehsalı və yayımı yalnız təsisçinin və ya məhkəmənin qərarı ilə müvəqqəti dayandırıla, yaxud ona xitam verilə bilər. Fəaliyyəti dayandırılmış mətbu nəşrin adı isə yeni təsis olunmuş mətbu nəşrə verilə bilməz.

Qeyd edək ki, Azərbaycanda hazırda 50-yə yaxın qəzet, 40-a yaxın isə jurnal fəaliyyət göstərir.