Ermənistan ABŞ-la münasibətləri bir çox sahədə strateji tərəfdaşlıq səviyyəsinə qaldırmağa hazırdır.
KONKRET.az Apa-ya istinadən xəbərinə görə, bu barədə Ermənistanın Baş naziri Nikol Paşinyanın Müstəqillik Günü münasibətilə ABŞ lideri Co Baydenə göndərdiyi məktubda deyilir.
Məktubda ABŞ-la tərəfdaşlığın hər iki ölkənin və bütövlükdə regionun inkişafına töhfə verəcəyi bildirilib, eyni zamanda, Ermənistanın sülh gündəliyinə sadiq olduğu vurğulanıb.
Ermənistanın hökumət rəhbəri qeyd edib ki, ölkəsi ABŞ-nin 1991-ci ildə qəbul olunan Alma-Ata bəyannaməsinə uyğun olaraq region ölkələri arasında suverenlik, müstəqillik, ərazi bütövlüyü, demokratiya və sərhədlərin toxunulmazlığına istiqamətlənən sülhün bərqərarı yönündəki rolunu yüksək qiymətləndirir.