Ermənistan ilk dəfə olaraq milyonlarla dollar dəyərində yerli istehsalı olan silah ixrac edib.

KONKRET.az Armenpress-ə istinadla xəbər verir ki, bu barədə Ermənistanın yüksək texnologiyalar sənayesi naziri Mxitar Ayrapetyan danışıb.

O bildirib: “May ayında 3 Ermənistan şirkəti 2 fərqli ölkəyə silah ixrac edib. Kifayət qədər mürəkkəb çətinlikləri və logistika çətinliklərini dəf edərək, Ermənistan şirkətləri məqsədlərinə çata biliblər. İlk dəfə olaraq Ermənistan şirkətləri Ermənistanda dizayn edilmiş və istehsal olunmuş hazır məhsulları son istifadəçi ölkələrinə çatdıra biliblər. Hökumət son illərdə hərbi sənayeyə milyardlarla dram sərmayə qoyub və gələcəkdə də qoymağa davam edəcək”.