Ermənistan Milli Məclisi bugünkü iclasında Sülh Şurasının Nizamnaməsini təsdiqləyib.
KONKRET.az news.am-a istinadla xəbər verir ki, layihəni xarici işlər və beynəlxalq ticarət naziri Ararat Mirzoyan təqdim edib.
Sənəd 90 lehinə, 8 bitərəf səslə yekdilliklə təsdiqlənib.
Sülh Şurasının Nizamnaməsini Ermənistan Baş naziri Nikol Paşinyan 22 yanvar 2026-cı ildə imzalayıb. O, ABŞ Prezidenti Donald Trampın təşəbbüsü ilə yaradılmış (Davos) beynəlxalq təşkilatdır. Təşkilatın məqsədi münaqişədən sonrakı bölgələrdə (Qəzza zolağı da daxil olmaqla) sabitliyin, qanuni idarəetmənin və sülh yolu ilə həllin təşviq edilməsidir.
Şurada üzvlük müddəti 3 ilə qədərdir. İlk ildə ən azı 1 milyard dollar məbləğində birdəfəlik nağd pul ianəsi etmiş ölkələr üçün istisna tətbiq olunur.
Təşkilatın Azərbaycan da daxil olmaqla, 28 üzvü var.