“Azərbaycana qarşı sanksiyalar məsələsinə hətta baxılmayacaq”.

KONKRET.az xəbər verir ki, bunu Avropa Parlamentinin deputatı Asita Kankonun “Laçın yolunun bağlanması” ilə bağlı rəsmi müraciətinə cavab olaraq Josep Borrell deyib.

“2022-ci ilin dekabr ayının əvvəlindən Avropa İttifaqı Laçın yolunda baş verənləri diqqətlə izləyir”, – deyə Borrell bildirib.

O, “Azərbaycan hakimiyyətinə qarşı müvəqqəti tədbirlərin tətbiqi” ilə bağlı sualı da cavablandırıb.

“Sanksiyalar Aİ-nin ümumi xarici və təhlükəsizlik siyasətinin məqsədlərinə çatmaq üçün vasitələrindən sadəcə biridir və bu halda onlara baxılmır.

Aİ-nin səyləri Ermənistan və Azərbaycan arasında dialoq vasitəsilə həll yollarının tapılmasına yönəlib və hər iki ölkənin liderləri buna sadiqliklərini ifadə ediblər”, – deyə Borrell vurğulayıb.

Xuraman Etibarlı,

KONKRET.az