Embrional inkişaf biologiyanın ən heyrətamiz proseslərindən biridir. Tək bir mayalanmış yumurta hüceyrəsindən tədricən milyardlarla hüceyrədən, sinir sistemindən, ürəkdən, beyindən və digər orqanlardan ibarət mürəkkəb bir orqanizm formalaşır.

Lakin dölün MRT görüntülərinə müəyyən kəsiklər üzrə baxdıqda, zehnimizdə canlandırdığımız balaca, mələk simalı körpə obrazı bir anda dəyişir. Nəhəng göz alması, kəllənin qeyri-adi proporsiyaları, beynin mürəkkəb strukturları və üz quruluşundakı qəribə simmetriya insanda sanki elmi-fantastik filmdən çıxmış bir varlığa baxdığı təəssüratı yaradır.

Əslində isə bu görünüşün tamamilə təbii izahı var. Ana bətnində inkişafın müxtəlif mərhələlərində orqanlar və toxumalar fərqli sürətlə böyüyür. MRT isə daxili anatomik strukturları ayrı-ayrı kəsiklər şəklində göstərir. Gözümüz belə görüntüləri görməyə və qavramağa alışmadığı üçün onlar bizə qeyri-adi, hətta qorxulu görünə bilər.

Xüsusilə başın frontal, yəni ön müstəvidən çəkilmiş görüntüləri diqqət çəkir. Bu kəsiklərdə göz almaları və beynin müxtəlif strukturları aydın şəkildə seçilir.

Belə görüntülərə baxanda istər-istəməz gülümsədən bir fikir yaranır: deməli, biz dünyaya gəlməzdən əvvəl bəzən ilk müqəddəs mərasimə hazırlaşan körpələrə deyil, sanki qalaktikanı fəth etməyə hazırlaşan yadplanetlilərə bənzəyirmişik.

Halbuki qarşımızda heç bir yadplanetli yoxdur. Bu, insan anatomiyasının ən mürəkkəb inkişaf mərhələlərindən birində çəkilmiş adi görüntüsüdür.

Təbiət gözəllik haqqında təsəvvürlərimizə uyğun davranmağa borclu deyil. Bəzən onun ən heyrətamiz əsərləri ilk baxışdan olduqca qəribə, hətta vahiməli görünə bilər.

Rəsmiyyə Şərifova,

KONKRET.az