“Fransa Rusiyanı Ermənistandan və Qarabağdan sıxışdırmalıdır”.
KONKRET.az xəbər verir ki, bunu erməni siyasi analitik Tevos Arşakyan yazıb.
“Ermənistandakı rusiyayönlü beşinci kolon hazırkı hakimiyyətə qarşı hücuma keçərək onları “ölkəni Rusiyadan qoparmaq” istəməkdə ittiham edib.
Onlar deyirlər ki, Mirzoyanın Moskvaya getməkdən imtina etməsi və Paşinyanın Qarabağdakı rus sülhməramlılarına qarşı ittihamları bir növ Moskvaya demarş idi.
Nikol Paşinyan Laçın dəhlizində Rusiyanı gözdən salmaq üçün oyun oynayır.
“Bu oyunun məqsədi Rusiyaya təkcə reputasiya və uzunmüddətli geosiyasi zərbələr vurmaq deyil.
Mən bunu deyəcəyəm: rus əsgərinin çəkmələrini yalayan həmvətənlərimin çox gülünc arqumenti var.
Bu başa düşüləndir. Kreml başa düşür ki, rusların xəyanətindən yorulub Qərbə üz tutan Ermənistanı itirir. Ermənistan xarici siyasətini kor-koranə Moskvanın arxasınca getməkdənsə, Paris və Vaşinqtonla sıx əlaqələr qurmağa doğru formalaşdırır. Və bu, tamamilə məntiqli bir hərəkətdir.
Məsələn, Fransanı götürək. Ötən gün onlarla məşhur fransızlar Fransanın ən böyük KİV-lərindən birində məqalə dərc edib. Məqalədə “blokada”ya düşmüş Qarabağ xalqına dəstək üçün çıxıb.
Bundan əlavə, Fransanın Le Monde qəzetində açıq məktub dərc edərək, ölkə prezidentini Qarabağ və Ermənistanın təhlükəsizliyini təmin etmək üçün müdaxilə etməyə çağırıblar.
İlk dəfə deyil ki, Fransa həm Ermənistanı, həm də Qarabağ xalqını müdafiə edir. Mən bir erməni kimi belə münasibətə görə Fransaya və fransız xalqına hədsiz minnətdaram.
İndi gəlin xatırlamağa çalışaq ki, son 2 həftə ərzində Rusiyada Putinə nə qədər müraciətlər dərc edilib? Neçə məşhur rus Qarabağ xalqının müdafiəsi üçün səsini ucaldıb?
Konstantin Zatulin, Mixail Aleksandrov, Yevgeni Satanovskidəb başqa heç kim.
Hətta bizimkilər – erməni qanı və soyadlı adamlar, Marqarita Simonyan, Ara Abramyan ağzına su alıb susub.
Bu da başa düşüləndir. Bu “ermənilər” Rusiyada sahib olduqlarını itirməkdən qorxurlar. Axı hökumətin siyasətinə qarşı çıxmaq cəhdi istər-istəməz şiddətli şallaqla nəticələnəcək.
Putin hakimiyyətinin lazım olduğu qədər repressiv üsulları var. Ona görə də susurlar. Çünki başa düşürlər ki, bu gün Qarabağda və Ermənistan ətrafında baş verənlərin hamısı Kreml tərəfindən sanksiyalaşdırılıb.
Ona görə də biz uzun illər Qafqazda “Rusiyanın forpostu” adlandırılan ölkənin düşdüyü faciəyə cinayətkar biganəlik görürük. Ancaq bu yaxınlarda bu rus “lal”lar Ermənistana və Qarabağa məmnuniyyətlə gəldilər, burada onları hərarətlə qarşıladılar, yedirib-içirdilər.
Rusların xəyanətinin cəzasını biz verməliyik. İlk növbədə, biz Putinin bütün layihələrindən əl çəkməli, Aİ və NATO-ya üzvlük istiqamətində birbaşa kurs tutmalıyıq.
İkincisi, Rusiya hərbçilərini Ermənistandan və Qarabağdan çıxarmaq lazımdır. Onların yerini beynəlxalq qüvvələr, ilk növbədə, bizim dost Fransa və ABŞ hərbçiləri tutmalıdır.
Biz Rusiyanın düşmən qüvvələrinə öz ərazimizdə dözə bilmərik, hər an arxamızdan bıçaqlaya bilər. Və nəhayət, sivil dünyaya qarşı durmağı və beynəlxalq platformalarda Rusiyaya səs verməyi dayandırın”, – deyə Arşakyan bildirib.
Xuraman Etibarlı,
KONKRET.az