Fransanın şimalındakı Saşo kommunasında yerləşən “Stellantis”  avtomobil zavodunun yandırılması nəticəsində 40-dan çox avtomobilə zərər dəyib.

KONKRET.az xəbər verir ki, bu barədə “France Presse” agentliyi məlumat yayıb.

Bildirilib ki, yanğın nəticəsində 52 avtomobilə ziyan dəyib, onlardan 42-si tamamilə yanıb. Bunlar yeni istehsal olunan “Peugeot 3008” və “Peugeot 5008” krossoverləridir.

Məlumata görə, müəssisənin mühafizəsi bazar günü saat 04:30-da zavodun anbarından bir nəfərin qaçdığını görüb.

Qeyd olunub ki, avtomobillər günəş panellərinin altında olub və alovlanıb. Ehtimal edilir ki, bu, yanğının yayılmasına səbəb olub.

İqbal Rzayev,

KONKRET.az