Gəncədə qadın yol qəzasında ölüb.

KONKRET.az xəbər verir ki, hadisə şəhərin Nəriman Nərimanov prospekti ilə Mirzə Abbas Abbaszadə küçəsinin kəsişməsində baş verib. Belə ki, hərəkətdə olan yük avtomobili yolu keçən 50-60 yaş arasında qadını vurub. Qadın hadisə yerində ölüb, hazırda onun kimliyi dəqiqləşdirilir.

İlkin məlumata görə, piyadanı vuran yük avtomobili Gəncə şəhər Mənzil Komunal Təsərrüfatı İstehsalat Birliyinə məxsusdur.

Əraziyə polis əməkdaşları cəlb edilib.

Fakt araşdırılır.