Azərbaycanda əhalinin xərcləri artıb.
Bu barədə KONKRET.az Dövlət Statistika Komitəsinin məlumatına istinadən xəbər verir.
2026-cı ilin yanvar-sentyabr aylarında Azərbaycanda əhaliyə göstərilən ödənişli xidmətlərin ümumi dəyəri 12 milyard 26 milyon manat təşkil edib. Bu, ötən ilin müvafiq dövrü ilə müqayisədə real ifadədə 7,9 faiz artım deməkdir.
Hesabat dövründə ölkə üzrə hər bir sakin orta hesabla 1 170,7 manatlıq ödənişli xidmətlərdən istifadə edib. Bu göstərici ötən ilin eyni dövrü ilə müqayisədə nominal ifadədə 139,1 manat çoxdur.