“Hökumət üçüncü prezident Serj Sarkisyana bəraət qazandıran hakimi bağışlamadı”.

KONKRET.az xəbər verir ki, bu barədə “Mənim şərəfim var” fraksiyasının katibi Tiqran Abramyan özünün facebook səhifəsində yazıb.

O bildirib ki, hakimin səlahiyyətlərinə xeyli intizam pozuntusuna görə xitam verilib.

“Hakim Vahe Misakyana prosesi siyasi deyil, hüquqi nəticəyə çatdırmağa cəsarət etdiyi üçün ona qarşı keyfiyyətsiz kampaniya başladılıb.

Siyasi sifariş kimə verilirsə, polis də, müstəntiq də, prokuror da, hakim də hər kəs dərk etməlidir ki, onun verdiyi qərar təkcə siyasi hədəfdə olan şəxs üçün deyil, özü üçün də ağır nəticələrə səbəb olacaq.

İndiki hakimiyyət isə qanunu, əxlaqı prioritet hesab edənlərin hamısını heç vaxt bağışlamayıb və heç vaxt da bağışlamayacaq.

Siyasi hakimiyyətin nökər, fikri olmayan, mənəvi dəyərlər sistemi aşağı olan quldur psixologiyası ilə mümkün qədər əhatə etməyə çalışmasının səbəbi də budur.

Prinsip və ya peşə borcunun vacibliyini hətta minimal dərəcədə nümayiş etdirənlər isə tez azad edilirlər”, – Abramyan yazıb.

Natiq Səlim,

KONKRET.az