İran İslam İnqilabı Keşikçiləri Korpusunun (SEPAH) nümayəndəsi Hüseyn Möhəbi Defa Press agentliyinə bildirib ki, əgər ABŞ ilə silahlı qarşıdurma yenidən başlasa, İran daha güclü silahlardan istifadə edə bilər.

“Əgər müharibə yenidən başlasa, istifadə edəcəyimiz silahlar əvvəlkilərdən mütləq fərqli olacaq”, – deyə o bildirib.

KONKRET.az xəbər verir ki, Möhəbinin sözlərinə görə, fərq yeni nəsil döyüş başlıqlarında, raketlərin daha yüksək dəqiqliyində və daha uzaq mənzildə olacaq.

Bundan əvvəl Tehran Vaşinqtonla qüvvədə olan müvəqqəti atəşkəsi uzatmaqdan imtina etmişdi.

Qeyd edim ki, bu, xəbərdə yer alan şəxsin bəyanatıdır və onun gerçəkdə belə silahlara malik olub-olmaması və ya bu iddiaların doğruluğu ayrıca təsdiqlənməyib.

Ağagül Mürsəlov,
KONKRET.az