İranın Əmirabad limanına gedən “Omski-117” quru yük gəmisi Volqa–Xəzər dənizi nəqliyyat kanalında quruya çırpılıb.

KONKRET.az TASS-a istinadən xəbər verir ki, bu barədə Rusiya Fövqəladə Hallar Nazirliyinin Həştərxan vilayəti üzrə mətbuat xidməti məlumat yayıb.

Bildirilib ki, hadisə Volqa-Xəzər dənizi nəqliyyat kanalının 60,2 km-də (İkryaninski rayonu, Vaxromeyevo kəndi yaxınlığında) baş verib.

Məlumata görə, gəminin heyəti 13 nəfərdən ibarət olub və onlardan heç biri xəsarət almayıb.

Gəmini dayazlıqdan çıxarmaq üçün yedək gəmilər göndərilib.

İqbal Rzayev,

KONKRET.az