İsrail Hərbi Hava Qüvvələri Suriyanın “Şayrat” aerodromunun ərazisindəki obyektlərə raket zərbələri endirib.

KONKRET.az “Kommersant”a istinadən xəbər verir ki, bu barədə Rusiya Müdafiə Nazirliyinin bəyanatında deyilir.

Bildirilib ki, noyabrın 13-də İsrail Hərbi Hava Qüvvələri Suriyanın “Şayrat” hərbi aerodromunun yaxınlığındakı hədəflərə 8 raket zərbəsi endirib.

Hərbi idarənin məlumatına görə, zərbə nəticəsində iki Suriya əsgəri ölüb, üçü isə yaralanıb.

Hücumu Livan hava məkanından bir qrup F-15 taktiki qırıcıları həyata keçirib.

İsrail tərəfi hücumla bağlı hələlik açıqlama verməyib.

İqbal Rzayev,

KONKRET.az