İtaliyadan həm bəd, həm də şad xəbər var.

Bəd xəbər odur ki, Avropa ölkəsində koronavirus dünənə nisbətən daha çox insanın ölümü ilə nəticələnib. Şad xəbər isə yoluxanların sayının son 15-16 günün ən aşağı həddində olmasıdır.

KONKRET.az xəbər verir ki, son sutka ərzində İtaliyada virusdan 636 nəfər ölüb. Daha 3599 nəfərdə infeksiya aşkarlanıb. İndiyə qədər 132 min 547 virus daşıyıcısı qeydə alınıb. Bunlardan 16 min 523 nəfər həyatla vidalaşıb.

Ümumiyyətlə, üç gündür dünyada virusa yoluxanların və ölənlərin sayında azalma hiss olunur. Bu gün də fərqli nəticə gözlənilmir.

Ümumdünya Səhiyyə Təşkilatının son məlumatına görə, dünyada 1,3 milyondan çox virus daşıyıcı qeydə alınıb. İnfeksiya indiyə qədər 72,4 min nəfərin həyatına son qoyub.

Bizimyol.info