Kreml Ukraynadakı müharibəni dondurmaqdan imtina edib.

KONKRET.az xəbər verir ki, bu barədə Rusiya Federasiyası Prezidentinin mətbuat katibi Dmitri Peskov TASS-a müsahibəsində deyib.

O bildirib ki, Rusiya Ukraynada müharibənin dondurulmasına qarşıdır və öz məqsədlərinə hərbi və ya digər mövcud vasitələrlə nail olmaq niyyətindədir,

“Rusiya yalnız xüsusi hərbi əməliyyatı başa çatdırmaq imkanını nəzərdən keçirir: öz maraqlarını təmin etmək, Rusiyanın qarşısında duran məqsədlərə ya xüsusi hərbi əməliyyat, ya da digər mövcud vasitələrlə nail olmaq”, – Peskov deyib:

Onun sözlərinə görə, Moskva ilə Kiyev arasında münaqişənin sülh yolu ilə həllindən danışmaq hələ tezdir.

“Hələ ki, sülh yolu ilə nizamlanma üçün heç bir ilkin şərt yoxdur”, – o vurğulayıb.

Peskov əlavə edib ki, “Rusiya Federasiyası ilə hər hansı danışıqlar Ukrayna hakimiyyəti tərəfindən qadağan olunub”.

Xuraman Etibarlı,

KONKRET.az