Paşinyan Arayik Arutyunyanın istefasına nail olmağa çalışır.

KONKRET.az xəbər verir ki, bu barədə “Hraparak” qəzeti yazır. Bildirilir ki, Nikol Paşinyan Praqadan qayıtdıqdan sonra bir gün əvvəl Təhlükəsizlik Şurasının geniş tərkibdə ilk iclasını çağırıb.

“Təhlükəsizlik Şurasının əsas üzvlərindən başqa, Ermənistan Prezidenti, hökumət aparatının rəhbəri Arayik Arutyunyan, “QD” fraksiyasının rəhbəri Hayk Koncoryan dəvət olunub.

Maraqlıdır ki, Qarabağ “prezidenti” Arayik Arutyunyan dünən rəsmi dairələrlə görüşmək üçün Ermənistana gəldiyini bəyan edib. Bir gün sonra toplantı çağırmaq mümkün idi ki, Qarabağ “prezidenti” də orada iştirak edə bilsin.

Bir il əvvəl Ermənistan Təhlükəsizlik Şurasının iclaslarında təkcə Arayik Arutyunyan deyil, həm də “respublika”nın “təhlükəsizlik şurasının katibi” Vitali Balasanyan, bəzən də digər hökumət rəsmiləri iştirak edirdi.

Əslində Paşinyan Əliyevi inandırmağa çalışır ki, Qarabağ mövzusu Ermənistan üçün qapalıdır. Mümkündür ki, bu, Əliyevin birbaşa tələbidir: təkcə Qarabağa getməmək, həm də Qarabağ “rəsmiləri”ni qəbul etməmək və onlarla birgə görüşlər keçirməmək.

Paşinyanın Qarabağ “hakimiyyəti”ni başsız , Arutyunyanın istefasına nail olmağa çalışdığına dair sübutlar var ki, sonradan prezident seçmək mümkün olmasın, dövlət strukturları iflic vəziyyətinə düşsün və Qarabağ başsız orqana çevrilsin.

Təsadüfi deyil ki, ötən gün Xankəndidə baş verən aksiyaların təşkilatçılarından biri Ermənistan hakimiyyəti ilə əlaqələri olan Tiqran Petrosyan olub”, – deyə qəzet yazır.

Xuraman Etibarlı,

KONKRET.az