Tibbi Ərazi Bölmələrini İdarəetmə Birliyi (TƏBİB) peyvənd olunan şəxsin virusa yoluxma və başqalarına yoluxdurma ehtimalının olub-olmaması ilə bağlı məsələyə münasibət bildirib.

KONKRET.az-ın məlumatına görə, qurumun “facebook” sosial şəbəkəsində bildirilib ki, peyvənd ikinci doza vurulduqdan iki həftə sonra öz təsirini göstərməyə başlayır və qanda anticisimləri təyin etmək mümkün olur. (Bu fakt hər kəsin immun sisteminə görə dəyişə bilər).

Bildirilir ki, müxtəlif peyvəndlər üzərində aparılan tədqiqatların nəticələri fərqlidir:

“Türkiyədə aparılan tədqiqatlar “CoronaVac” vaksininin effektivlik dərəcəsini 92 faiz qiymətləndirir. Braziliyada aparılan tədqiqatlar vaksinin xəstəliyi ağır və orta ağır hallardan 100 faiz qorumasını təsdiq edib”.