“Qarabağ” UEFA Avropa Liqasında növbəti oyununu keçirib.

KONKRET.az xəbər verir ki, Qurban Qurbanovun baş məşqçisi olduğu komanda Bakıda Almaniyanın “Bayer 04” klubunu qəbul edib.

Tofiq Bəhramov adına Respublika stadionundakı qarşılaşma heç-heçə başa çatıb – 2:2.

26-cı dəqiqədə Yassin Benzia hesabı açıb. 45+2-ci dəqiqədə Olavio Juninyo qonaqları növbəti dəfə məyus edib.

Leverkuzen təmsilçisinin heyətində Florian Virtz 70-ci dəqiqədə fərqi azaldıb. 90+2-ci dəqiqədə Patrik Şik Almaniya klubunu məğlubiyyətdən xilas edib.

Qeyd edək ki, komandalar arasında cavab oyunu martın 14-də Leverkuzen şəhərində gerçəkləşəcək.

********

23:00

Bakıda “Qarabağ” və Almaniyanın “Bayer 04” komandaları arasında keçirilən Avropa Liqasının 1/8 final mərhələsinin ilk oyununda növbəti qol vurulub.

Qonaqlar hesab arasındakı fərqi azaldıblar.

70-ci dəqiqədə Florian Virtz fərqlənib.

Azərbaycan çempionu hazırda öndədir – 2:1.

*********

22:39

Bakıda “Qarabağ” və Almaniyanın “Bayer 04” komandaları arasında keçirilən Avropa Liqasının 1/8 final mərhələsinin ilk oyununda hesab 2-yə çatıb.

Azərbaycan çempionu rəqibini ikinci dəfə məyus edib.

Bu dəfə hesabı ikiyə çatdıran hücumçu Juninyo olub. İlk hissə Qarabağın üstünlüyü ilə başa çatıb.

Qol vurma anını təqdim edirik: