AFFA İntizam Komitəsi Premyer Liqanın sonuncu – XXXIII tur turu ilə bağlı qərarlarını açıqlayıb.
KONKRET.az xəbər verir ki, “Sumqayıt” – “Qarabağ” oyunu bitdikdən sonra meydana kənar şəxslər daxil olduğuna görə “kimyaçılar” 2500 manat cərimələnib. Ağdam klubu isə azarkeşləri tərəfindən pirotexniki vasitədən istifadə edildiyinə görə 8000 manat ziyana düşüb.
“Kəpəz” – “Neftçi” qarşılaşmasında Gəncə təmsilçisi 4 futbolçusu sarı vərəqə aldığı üçün 700 manat cərimə ödəyəcək. Qonaqların heyətində isə İfenayi Metyu ciddi qayda pozuntusuna görə birbaşa qırmızı vərəqə aldığı üçün 1-i şərti olmaqla 2 oyun cəzalanıb, komandasını isə 1000 manat xərcə salıb.