Mayın 20-də Qazaxıstan Respublikasının Mangistau vilayətinin Aktau şəhər Məslihətinə keçirilən seçkilərdə azərbaycanlı Şəmsəddin Hüseynov təkrarən Məslihətin üzvü seçilib.
KONKRET.az-ın Mərkəzi Asiya ölkələri üzrə bürosu xəbər verir ki, bu barədə Şəmsəddin Hüseynov Facebook səhifəsində məlumat verib və ona etimad göstərənlərə təşəkkür edərək bu etimadı doğrultmağa çalışacağını bildirib.
Qeyd edək ki, 1992-ci ildən Qazaxıstanda yaşayan və ölkədəki Azərbaycan diasporunun fəal üzvü olan həmyerlimiz Şəmsəddin Hüseynov daha öncə – 2016-cı ildə də Aktau şəhər Məslihətinin üzvü seçilib.