“Qəbələ”nin UEFA Konfrans Liqasının 2-ci təsnifat mərhələsində Macarıstanın “Fehervar” klubu ilə ilk oyununun başlama saatı açıqlanıb.

KONKRET.az klubun sosial şəbəkə hesabına istinadən xəbər verir ki, iyulun 21-də Macarıstandakı “MOL Arena”da keçiriləcək ilk matç Bakı vaxtı ilə saat 21:00-da başlayacaq.

Qeyd edək ki, bu komandalar arasında cavab görüşü isə iyulun 28-də Qəbələ şəhər stadionunda olacaq. Həmin qarşılaşmanın başlama saatı hələlik bəlli deyil.