Çərşənbə günü Rusiya Federasiyasının Vətəndaş Palatası dünyada baş verən hadisələrə Rusiyanın nöqteyi-nəzərini yayan milli informasiya resurslarına dəstək tədbirlərini müzakirə edib. Bu mövzuya həsr olunmuş dəyirmi masanın iştirakçıları hesab edirlər ki, Rusiyaya qarşı informasiya müharibəsi gedir. Ona görə də bu sahədə işi daha səmərəli aparmaq üçün dövlət mediası büdcə vəsaitlərini rəsmi dövlət satınalmaları vasitəsilə xərcləmək öhdəliyindən azad edilməlidir.
Kənar ekspert bunun ictimai rəylə işin keyfiyyətinə təsir edəcəyinə şübhə edir. Çünki əvvəlcə işin məzmunu sonra isə maliyyə tərəfi ilə məşğul olmaq lazımdır. İctimai Palatanın İnformasiya Cəmiyyətinin, Kütləvi İnformasiya Vasitələrinin və Kütləvi Kommunikasiyaların İnkişafı Komissiyasının sədri Aleksandr Malkeviç deyir ki, Vətəndaş Palatası (VP) son vaxtlar Rusiya mediasına qarşı misli görünməmiş böyük miqyaslı hücum qeydə alıb. Martın 2-də media işçilərinin hüquqlarının müdafiəsinə həsr olunmuş dəyirmi masanın iştirakçıları jurnalistlərimizi şahmat yarışlarına belə buraxmaq istəmədilər.
“Rusiya ilə bağlı hər şey, rusiyapərəst hər şey bloklanıb, bağlanıb, silinib”– deyən OP-nin informasiya ictimaiyyətinin, medianın və kütləvi kommunikasiyaların inkişafı komissiyasının sədri Rifat Sabitov qəzəbini gizlətməyib. Onun sözlərinə görə, Rusiya ilə bağlı hər şey əksinə təşviq edilir və təbliğ olunur. Rəy Palatasının yalan məlumatların yayılmasına qarşı mübarizə, ictimai nəzarət və internet təhlükəsizliyi üzrə işçi qrupunun rəhbəri Aleksandr Malkeviç xatırladıb ki, İctimai Palata artıq informasiya sahəsi üçün bir neçə “müharibə dövrü qanunları” təklif edib. Bundan əlavə, yerli jurnalistlərin müraciəti ilə ictimai fəallar dövlət mediası üçün dövlət satınalmaları sisteminin ləğvini təklif edirlər.
“Biz hesab edirik ki, fövqəladə vəziyyətlər dövründə dövlət mediasının dövlət satınalmaları ilə bağlı qanunlar ya dayandırılmalı, ya da onlara yenidən baxılmalıdır”-deyə cənab Malkeviç izah verib. Onun sözlərinə görə, Rusiyanın informasiya müharibəsindəki rəqibləri nəhəng büdcələrə malikdirlər. Və onlar büdcələrini həm nağd, həm də kriptovalyuta vasitəsilə sərbəst xərcləyirlər. Rusiya mediası isə belə “pul kisələri”nə müqavimətdə çox acizdir.
İşçi qrupunun sözlərinə görə, dövlət satınalmaları sistemi Qərb ekspertlərinin tövsiyələri əsasında və “pis niyyətlə” “həyata keçirilib”. İndi bir çox dövlət mediası şikayət edir ki, onlarən “sosial şəbəkələrdəki döyüşlərin”in dəyəri subsidiya şəklində ödənməlidir. O, mövcud vəziyyəti qərbli həmkarlarının təklif etdiyi “rudimentlərdən” xilas olmaq üçün “əlverişli fürsət pəncərəsi” adlandırıb: “Dövlətin bizim dəyərlərimizi, suverenliyimizi müdafiə etmək üçün sərbəst vəsaiti olmalıdır”.
Təhlükəsiz İnternet Liqasının direktoru və OP üzvü Yekaterina Mizulina həmkarlarına bildirib ki, son altı gündə şəbəkədə Rusiyaya edilən informasiya hücumunun ümumi dəyəri 77 milyon dollara çatıb. Rusiya və Belarus Birlik Dövlətinin Yayım Təşkilatının sədri Nikolay Efimoviç dövlət satınalmalarından imtina ideyasını hərarətlə dəstəkləyir. Onun sözlərinə görə, dövlət mediası belə aqressiv müharibəyə tamamilə hazır deyil. Nümunə olaraq o, bloqqerlərdən videoları birbaşa qəbul edən Polşanın belarusdilli “Belsat” telekanalını göstərib. Halbuki İttifaqın teleradio yayımında nə çəkiliş qrupu, nə də informasiya xidməti var və onun inkişaf konsepsiyası bütün dövrlərdə söz olaraq qalıb.
2022-ci il üçün federal büdcə layihəsinə əsasən, Rusiya mediasının maliyyələşdirilməsinə 111,2 milyard rubl xərclənməsi nəzərdə tutulur. Bu pulun böyük hissəsi televiziya və radio yayımına gedəcək. Belə ki, “Russia Today” (RT) telekanalı bu il 28,7 milyard rubl, Ümumrusiya Dövlət Televiziya və Radio Yayımları Şirkəti 25,2 milyard rubl və əlavə olaraq daha 9,4 milyard rubl alacaq. “Rossiya Seqodnya” media holdinqinə(Birinci kanala) 6,3 milyard ayrılıb.TASS 3,1 milyard aldığı halda, “Zvezda” telekanalının büdcəsi hələ vəsaitin açılacağını gözləyir. Bu isə o deməkdir ki, Rusiya informasiya müharibəsində bütün parametrlər üzrə qərbə uduzur.
“Kommersant” nəşri, 4 mart, 2022
Tərcümə etdi: Surxay Atakişiyev,
KONKRET.az