Səudiyyə Ərəbistanının şərqindəki Əş-Şərqiyyə əyalətində Hərbi Hava Qüvvələrinə məxsus qırıcı təyyarə qəzaya uğrayıb.

KONKRET.az xəbər verir ki, bu barədə Səudiyyə Ərəbistanının Mətbuat Agentliyi briqada generalı Turki əl-Malikinin bəyanatına istinadən məlumat yayıb.

Bildirilib ki, bazar günü axşam saatlarında Dhahran şəhərindəki aviabazanın yaxınlığında “F-15S” qırıcı təyyarəsi təlim uçuşu zamanı texniki nasazlıq səbəbindən qəzaya uğrayıb.

Pilotlar katapult edərək sağ qalıb.

Hadisənin səbəblərini araşdırmaq üçün komissiya yaradılıb.

İqbal Rzayev,

KONKRET.az