İspaniyalı tennisçi Rafael Nadal Avstraliya Açıq çempionatında iştirakdan imtina edib.

KONKRET.az xəbər verir ki, imtinanın səbəbini 37 yaşlı idmançı özü açıqlayıb:

“Melburna çatanda müayinədən keçdim, əzələmdə mikroyırtıq olduğu üzə çıxdı. Hazırda 5 setlik qarşılaşmalarda yüksək səviyyədə mübarizə aparmağa hazır deyiləm. Həkimimi görmək, müalicə almaq və istirahət etmək üçün İspaniyaya qayıdıram”.

Qeyd edək ki, Rafael Nadal 2009 və 2022-ci illərdə Avstraliya Açıq çempionatının qalibi olub.