Ramiz Mehdiyev Cəmil Həsənli ilə bağlı açıqlama yaydıbackend

Ramiz Mehdiyev Cəmil Həsənli ilə bağlı açıqlama yaydı

Cəmil Həsənli Ramiz Mehdiyevin bir sıra millət vəkillərinə Türkiyə əleyhinə çıxışlar etməyə dair təlimatlar verməsi ilə bağlı iddialar səsləndirib.

KONKRET.az xəbər verir ki, R.Mehdiyev bu iddialarla bağlı açıqlama yayıb:

“İctimaiyyətin diqqətinə çatdırmaq istəyirəm ki, Cəmil Həsənlinin bildirdikləri tamamilə böhtandır və qətiyyən həqiqətə uyğun deyil. Cənab Prezident İlham Əliyev tərəfindən mənə heç zaman belə bir tapşırıq verilməyib. Öz növbəmdə mən də heç bir millət vəkilinə bənzər məzmunda təlimat verməmişəm.

Cənab Prezident İlham Əliyev Türkiyə-Azərbaycan münasibətlərini daim yüksək qiymətləndirmiş, “Bir millət, iki dövlət” prinsipinin əlaqələrimizin bütün sahələrində dərindən kök salmasına böyük töhfələr vermişdir.

Azərbaycan-Türkiyə münasibətləri hər iki ölkə üçün strateji əhəmiyyətə malikdir və qardaşlıq prinsipləri üzərində qurulmuşdur. Hər kəs bu əlaqələrin əhəmiyyətini dərk etməli, onların qorunmasına çalışmalı, kənar qüvvələrin təxribatlarına rəvac verməməlidir. Öz növbəmdə Cəmil Həsənlini belə bir həssas məsələdə bəyanatlarını yüz ölçüb bir biçməyə, daha məsuliyyətli davranmağa çağırıram”.

Əli Davudoğlu,

KONKRET.az

Loading...

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*