“1 Mart” hadisəsində təqsirləndirilən Ermənistanın ikinci prezidenti Robert Köçəryan Yeni İli həbsdə qarşılayacaq. KONKRET.az erməni mətbuatına istinadən bildirir ki, bunun səbəbi işin hakimi Anna Danibekyanın tətilə getməsidir.
Növbəti məhkəmə iclası 2020-ci ilin yanvar ayının ilk iş gününə təyin edilib.
Xatırladaq ki, keçmiş prezident 1 mart 2008-ci ildə etirazları dağıtmaq üçün cinayət işində konstitusiya quruluşunu devirməkdə ittiham olunur. Ermənistanın eks-prezidenti 2018-ci ildə iki dəfə həbs edilmişdi. Bu il iyunun 25-də üçüncü dəfə həbs edilib. İrəvanın ümumi ədliyyə məhkəməsi noyabrın 7-də keçirilən iclasda müdafiəçinin alternativ qabaqlayıcı tədbir olaraq girov tətbiq edilməsi tələbinə məhəl qoymayaraq, Köçəryanın həbs olunması qərara alınıb.