Rusiya sülhməramlılarının Laçın dəhlizindəki postları sökülür.

KONKRET.az xəbər verir ki, Qubadlı rayonu istiqamətindən Laçın dəhlizinin girişində və yol boyu qoyulmuş postların, nəzarət-buraxılış köşklərinin, rusiyalı hərbçilərin yaşadığı tikililərin sökülməsinə başlanılıb.

Proses RSK-nın Azərbaycanın çəkdiyi Laçından yan keçən yeni yolun marşrutuna dəyişdirilməsi ilə bağlıdır.

Qeyd edək ki, Rusiyalı sülhməramlılar müvəqqəti olaraq yeni dəhlizə köçəcəklər.

Xatırladaq ki, avqustun 25-də Laçın dəhlizindən yan keçən yolun tikintisinin başa çatdırılması ilə əlaqədar Laçın şəhəri, o cümlədən Zabux və Sus kəndləri Bakının nəzarətinə veriləcək.

Bu, Azərbaycan, Rusiya və Ermənistan liderlərinin 10 noyabr 2020-ci il tarixli üçtərəfli bəyanatında qeyd olunub. Bəyanatın müddəalarına əsasən, alternativ yol təhvil verildikdən sonra sülhməramlı kontingent Laçın dəhlizini tərk edərək alternativ yolda tapşırıqların icrasını davam etdirəcək.

 

Xuraman Etibarlı,

KONKRET.az