Sergey Mironovun başçılığı ilə “Ədalətli Rusiya”dan olan deputatlar yeni qanun layihəsi hazırlayıblar.

KONKRET.az xəbər verir ki, qanun layihəsində deputatların səfərbərliyə qoşulmama icazəsi ləğv olunur. Həmçinin güc strukturları və ehtiyatda olan hərbçilər də səfərbər olunmalıdırlar.

Güc strukturlarının müharibədə iştirakını daha əvvəl Çeçenistan lideri Ramzan Kadırov təklif etmişdi. Hər halda Mironovun qanun layihəsi qəbul olunsa, Rusiya cəmiyyətindəki “savaşan, yaralan, ölən ancaq kasıblardır” narazılığı nisbətən aradan qalxar. Çünki varlıların bir qismi artıq Rusiyanı tərk edib.

Anar Rəhimov,

KONKRET.az