Sankt-Peterburqda Daxili İşlər Nazirliyinin üç generalı həbs olunub.

KONKRET.az xəbər verir ki, bu barədə Rusiya mətbuatı məlumat yayıb. Məlumatda bildirilir ki, Daxili İşlər Nazirliyinin üç generalı vəzifə səlahiyyətlərindən sui-istifadə ilə bağlı cinayət işi üzrə təqsirləndirilən şəxs qismində saxlanılıb.

Saxlanılan generallar:

Daxili işlər nazirinin köməkçisi general-leytenant Sergey Umnov,

Sankt-Peterburq və Leninqrad vilayətinin yol polisinin rəisi, general-mayor Aleksey Semyonov,

İstefada olan general-mayor İvan Abakumov.

İstintaqın məlumatına görə, 2016-2020-ci illər ərzində Rusiya Daxili İşlər Nazirliyinin Sankt-Peterburq və Leninqrad vilayəti üzrə Baş İdarəsinin rəhbər heyətinin vəzifəli şəxsləri əmlakın əldə edilməsində ifadə olunan vəzifə səlahiyyətlərindən sui-istifadə ediblər. “Sankt-Peterburq və Leninqrad vilayətinin Daxili İşlər Baş İdarəsinin proqramlarına yardım” fondunun vəsaitləri ilə şəxsi istifadə üçün mənimsəyiblər.

Bundan əvvəl Sankt-Peterburq, Moskva və Leninqrad vilayətində cinayət işi üzrə təqsirləndirilən şəxslərin ofisində və yaşayış binalarında axtarışlar aparılıb, istintaqa aidiyyəti olan materiallar götürülüb.

Xuraman Etibarlı,

KONKRET.az