Sabiq deputatlar hazırda nə işlə məşğuldurlar?.

KONKRET.az “sabiqlər haradadır?” layihəsi çərçivəsində vaxtilə önəmli postlar tutan şəxslərə suallar ünvanlayacaq.

Saytımızın ilk müraciət etdiyi şəxs sabiq deputat, Azərbaycan Bədən tərbiyəsi və idman Akademiyasının keçmiş rektoru Ağacan Abıyev oldu.

Ağacan Abıyev hazırda hansı işlə məşğuldur?

Sabiq deputat KONKRET.az-a açıqlamasında bildirdi ki, hazırda ev işləri ilə məşğuldur:

“Evdə arvada kömək edirəm. Mən idmançıyam, ona görə cavan qalmışam. Amma arvad qocalıb. Əlimdən hər iş gəlir. Ev işləri ilə məşğulam. Övladlarıma, nəvələrimə, nəticələrimə kömək edirəm. Allah sizlərə də qismət eləsin. Nəvə-nəticələrlə məşğul olmaq çox qiymətlidir. Başqa heç bir şeylə maraqlanmıram”.

Ənvər Şüküroğlu,

KONKRET.az