SEPAH komandiri günahsız insanları öldürdüklərini etiraf edib.

KONKRET.az xəbər verir ki, bu barədə İran İslam Respubilkasının Aerokosmik Qüvvələrinin komandanı general-leytenant Əmir Əli Hacızadə İran televiziyasına müsahibəsində deyib.

“Suriyada xalq hökumətə qarşı nümayişə çıxdı və biz səhv etdik. Onları güllələdik. Bunun əksi oldu, xalq silahlanmağa başladı. O səhvi İranda təkrarlamaq istəmirik”, – deyə Hacızadə etiraf edib.

Daha sonra o, bu yaxınlarda İranın hipersəs raketini təqdim edəcəyini bildirib.

“İranın hipersəs raketləri təqdim edildikdən sonra ABŞ-ın silah satışı dayanacaq.

Amerikalılar İranın hipersəs raketinə sahib olduğuna şübhə etdiklərini söyləyiblər. Bilirsiniz niyə belə reaksiya verdilər? Çünki satdıqları Amerika müdafiə sistemləri bizim raketlərimizə qarşı yararsız olacaq”, – deyə general əlavə edib.

Xuraman Etibarlı,

KONKRET.az