İranlı ekspert Azərbaycanı təhdid etdi: “Ordu müdaxilə etməlidir”.

KONKRET.az xəbər verir ki, bu sözləri Qafqaz məsələləri üzrə iranlı ekspert Salar Seyfəddini şəxsi Tvitter hesabında yazıb. O, Dünya Azərbaycanlılarının Şuşada keçiriləcək qurultayını İrana qarşı açıq mesaj olduğunu bildirib.

“Qarabağda sözdə “Dünya Azəriləri Konqresinin” (onun tarixçəsi bu sahənin mütəxəssislərinə məlumdur) keçirilməsi İrana açıq mesajdır”, – deyə Seyfəddini yazıb.

Daha sonra o, bu qurultayı İrana qarşı müharibə elanı və təxribat adlandırıb.

“Bu, İran millətinə qarşı müharibə elanı və sərhəd divarında təxribat deməkdir. İranın Ana yasasına görə, Xarici İşlər Nazirliyinin vəzifəsi ölkənin ərazi bütövlüyünü müdafiə etməkdir. Əks halda ordu müdaxilə etməlidir”,- deyə o sərsəmləyib.

Xuraman Etibarlı,

KONKRET.az