Əfqanıstanın Tehrandakı səfirliyi Taliban diplomatının 3 arvadı və 12 uşağı olduğu üçün ona ev tapmaqda çətinlik çəkir.

KONKRET.az xəbər verir ki, bu barədə “Sobh-e Kabol” qəzeti məlumat yayıb.

Digər tərəfdən İranın “İslam Cümhuriyyəti” qəzeti yazıb:

“Taliban hökumətinin üçüncü katibi üç arvadı ilə birlikdə Əfqanıstanın Tehrandakı səfirliyində 5 min dollardan çox maaş alır. Üçüncü katib olan Müfti Məhəmməd Əzim Nurani 300 dollar da icarə haqqı alacaq”.

Əfqanıstanda dərc edilən qəzetlərdən biri məsələyə münasibət bildirərək yazıb:

“Talibanın xarici ölkələrdə diplomatik xərclərə böyük pullar xərclədiyi bir vaxtda, ölkədə vətəndaşlar həddindən artıq yoxsulluqdan əziyyət çəkir”.

Natiq Səlim,

KONKRET.az