Tarixin 5 ən təhlükəli qanqsterlərinin arvadlarıbackend

Tarixin 5 ən təhlükəli qanqsterlərinin arvadları

Al Kapone, Pablo Eskobar və digər əfsanəvi quldurların həyat yoldaşlarının hekayələri

Bir nömrəli cinayətkarın həyat yoldaşı olmaq nə deməkdir? KONKRET.az Al Kapone, Pablo Eskobar və digər əfsanəvi quldurların həyat yoldaşlarının hekayələrini təqdim edir:

Tarixin ən təhlükəli 5 qanqsterinin arvadı

Mey Kapone

Al Kapone 19 yaşında evlənmişdi – 18 yaşlı irlandiyalı Mey Cozefin Kaflin hələ  toydan əvvəl  qanqsterdən  övlad dünyaya gətirmişdi. Kapone gəlini, ömrü boyu əziyyət çəkdiyi sifilisə yoluxdurdu. Onların uşağı bu xəstəliklə və məməşəkilli infeksiyayla doğulmuşdu. Uşaq beyin əməliyyatı keçirmişdi və ömrü boyu qismən kar qalmışdı. Buna baxmayaraq, Mey Cozefin ərini sevirdi və – 1947-ci ildə düşmən gülləsindən deyil, insult və pnevmoniyadan ölənədək ona sadiq qaldı.

Mey, uzun həyat yaşadı və 1986-cı ildə 89 yaşında öldü. Albert Kapone, yetkin yaşına çatdıqda soyadını Braun olaraq dəyişdirdi, demək olar ki, qanunlara tabe ömür sürdü (kiçik oğurluq üstündə iki il yatdı), dörd qızın atası oldu və 2004-cü ildə öldü.

Alisa Daymond

Dindar və təvazökar Alisa Daymond, əri, qanqster Cek Leqsa Daymondun fəaliyyətini bəyənmirdi, ancaq ona sadiq idi və xəyanətləri bağışlayırdı. Alisa əri üçün dua edirdi və Cekin vicdanında çoxlu günahlar var idi. O quru qanunu dövründə Nyu-Yorkun və Filadelfiyanın ən məşhur butleqerlərindən biri idi. Cek yalnız alkoqolun qaçaqmalçılığıyla məşğul olmurdu, həm də insanları oğurlayırdı və işgəncə verirdi,  rəqiblərinə divan tuturdu. Daymonda dəfələrlə sui-qəsd təşkil olunmuşdu. Bir dəfə ona 5 güllə dəydi, ancaq o nəinki sağ qaldı, otel otağından çıxıb köməyə çağırmışdı. Bu cür sağ qaldığına görə quldur öldürülməz adlandı, ancaq ləqəbini doğrultmadı. 1931-ci ildə Daymond Nyu Yorkdakı otel otağında iki naməlum şəxs tərəfindən güllələndi. Mafiya, polis və hətta siyasətçilər qətlin sifarişində şübhəli bilinirdilər.

Cekin ölümündən iki il sonra səssizcə yaşayan və mafiya ilə əlaqə qurmayan dul qadını Bruklindəki mənzilində güllələdilər. Alisanın qatilləri tapılmadı.

Mariya Eskobar

1976-cı ildə yeni başlayan kolumbiyalı narkobaron 27 yaşlı Pablo Eskobar, ondan  uşaq  gözləyən 15 yaşlı Mariya Viktoriya Enao Valleho ilə evləndi. Həyat yoldaşı, çoxsaylı xəyanətlərinə  (məsələn, həyatının son illərində, Pablo jurnalist və model Virciniya Valleho ilə ciddi eşq macərası yaşayırdı) baxmayaraq, Eskobar-ı dəstəklədi. Maria Eskobar ərinin işlərindən xəbərdar idi, buna görə 1993-cü ildə polislə atışmada Eskobarın ölümündən sonra dul qadın və uşaqları  uydurulmuş adlar altında gizləndilər. Eskobarın ailəsi hər halda tutuldu və Mariya bir il yarım həbsxanada yatdı, ancaq hakimiyyət onun qanunsuz fəaliyyətinə dair dəlil tapmadı. Həbsdən çıxdıqdan sonra, Mariya adını dəyişdi və kölgəyə çəkildi. Qızı da belə etdi. Eskobarın 41 yaşlı oğlu Xuan Pablo memardır, həyat yoldaşı və qızı ilə Buenos-Ayresdə yaşayır. Atasını xoş duyğularla  xatırlayır, onu qayğıkeş və sentimental bir ailə adamı adlandırır. Məsələn, bir dəfə hökumətdən uşaqlarla gizlənərkən Eskobar dağda uşaqların üşüməməsi üçün əskinaslardan tonqal qaladı və təxminən iki milyon dolları yandırdı. Əslində elə ailəyə bağlılıq  kokain kralını məhv etdi. Ölümü baş verəndə Eskobar, demək olar ki, bir il qaçaq gəzirdi və ailəsini görmürdü, ancaq doğum gününün şərəfinə, evə zəng edərək oğlu ilə 5 dəqiqə danışmaq qərarına gəldi. Hakimiyyət bu zəngi əsasında Eskobarın olduğu yeri ayırd etdilər və onu bir neçə saat sonra məhv etdilər.

Danubiya Ranjel

Braziliyalı narkobaron Antonio Bonfim Lopez  2011-ci ildə həbs olunandan sonra  həyat yoldaşı, özü dəmir barmaqlıqlar arxasına düşənədək ərinin maraqlarını  təmsil etdi. Danubiya 2017-ci ildə həbs edildi. Bu vaxta qədər o, Rio-de-Janeyrodakı ən böyük favela olan Rosinyedə ən dəhşətli cinayət müharibələrindən birini açmağı bacardı. İndi Danubiya narkotik və insan alverinə görə 28 il həbs cəzası ilə üz-üzədir.

Emma Koronel Aispuro

Emma meksikalı narkobaron Xoakin Qusman Loer ilə 2007-ci ildə 18 yaşında ikən evləndi. Dünyadakı ən təhlükəli cinayətkar (2016-cı ildə tutulmasından əvvəl) 50 yaşlı El Çaponun (bəstəboy) dördüncü arvadı oldu. 2012-ci ildə Emma Bəstəboydan əkiz qız doğdu. O dövrdə Xoakin Qusman Meksikadakı ən böyük narkotik karteli “Sinaloa” ya başçılıq edirdi və Forbes-in versiyasına görə dünyada ən qüdrətli və zəngin insanların siyahılarına daxil olurdu. Narkobarona şöhrətpərəstliyi məhv etdi. Hakimiyyətdən gizlənən El Çapo, Hollivud aktyorları və prodüserləri ilə əlaqə quraraq, onun haqqında film çəkiləcəyinə ümid edirdi. Beləliklə, Şen  Penn ilə görüş, məqsədə çatmasına baxmayaraq, cinayətkarı güdməyə kömək etdi: hərçənd, o, öz arzusuna çatdı və 2017-ci ildə “El Chapo” serialı işıq üzü gördü.

ens.az

 

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

*

*

*