Azərbaycanda koronavirusla bağlı son statistika açıqlanıb.

Tibbi Ərazi Bölmələrinin İdarəetmə Birliyindən (TƏBİB) KONKRET.az-a verilən məlumata görə, bu gün 5432 koronavirus testi edilib. Onlardan 169-u pozitiv çıxıb. Bununla da ölkə ərazisində indiyə qədər edilən koronavirus testlərinin sayı 873 777-yə çatıb.

Məlumata görə, hazırda reanimasiyada olan koronavirus xəstələrinin sayı 183 nəfərdir. Onlardan 21 nəfəri süni tənəffüs cihazında olan xəstələrdir.

Hazırda ölkədə 1763 nəfər aktiv koronavirus xəstəsi var.