TƏCİLİ: ATV və ARB rəhbərliyi Prezident Administrasiyasına ÇAĞIRILDI – VİDEObackend

TƏCİLİ: ATV və ARB rəhbərliyi Prezident Administrasiyasına ÇAĞIRILDI - VİDEO 

Son zamanlar yerli telekanalların efirində yayımlanan bəzi bayağı və ucuz şouya hesablanan verilişlərin sayının artması ölkənin ziyalı təbəqəsi və xüsusən də tamaşaçılar tərəfindən böyük narazılıqla qarşılanır. İnsanların zövqünü korlayan, əsəblərinə təsir edən bu cür verilişlərə cəmiyyət tərəfindən ictimai qınaq kəskin artır. ARB televiziyasının efirində yayımlanan “Həmin Zaur” proqramında baş verənlərə cəmiyyətin sərgilədiyi reaksiya belə deməyə əsas verir. Belə ki, müğənni Afşin Azərinin aparıcı tərəfindən efirdən çıxarılması faktı cəmiyyətdə böyük narazılıq yaradıb və insanlar verilişin aparıcısı Zaur Kamalın, eləcə də kanalın cəzalandırılmasını tələb ediblər. Bundan sonra Audiovizual Şura “Həmin Zaur” verilişinə görə ARB-yə xəbərdarlıq edib.

KONKRET.az xəbər verir ki, ARB-dəki vəziyyətlə bağlı Audiovizual Şuranın xəbərdarlığına baxmayaraq ictimai qınaq davam edib. Əldə etdiyimiz son məlumata görə,  ARB və ATV telekanallarının rəhbərləri Prezident Administrasiyasına çağırılıb. Onlara bayağı verilişlərin yığışdırılması üçün sərt xəbərdarlıq edilib. Əgər bu xəbərdarlıqdan nəticə çıxarılmasa, televiziya rəhbərləri barəsində ciddi ölçü götürüləcəyi bildirilib.

Müşviq Tofiqoğlu,

KONKRET.az

 

Bir cavab yazın

Sizin e-poçt ünvanınız dərc edilməyəcəkdir.

*

*

*