Bu gün İranın paytaxtı Tehran şәhәrindә aksiya keçirilib. Aksiya iştirakçıları general Süleymaninin öldürülmәsini pislәyiblәr.

KONKRET.AZ xəbər verir ki, bu barәdә Fars informasiya agentliyi məlumat dərc edib.

Aksiyada çoxlu sayda iranlı iştirak edib.

Aksiya iştirakçıları ABŞ әleyhinә sәrt şüarlar sәslәndiriblәr.

İranın Ali Milli Tәhlükәsizlik Şurası general Süleymaninin ölümü ilә әlaqәdar İranın dini lideri, prezidenti vә digәr rәsmilәrin iştirakı ilә әlaqәdar iclas keçirib.

İran parlamentinin Milli tәhlükәsizlik vә xarici siyasәt komissiyasının rәyasәt heyәtinin üzvü Hüseyn Nәqәvi Hüseyni Ali Milli Tәhlükәsizlik Şurasının iclasında verilәcәk hәr hansı qәrarla bağlı iclas keçirilәcәyini bildirib.

Xatırladaq ki, yanvarın 3-də Bağdad Hava limanının raket zərbələrinə məruz qalması nəticəsində İran İnqilab Keşikçiləri Korpusunun Qüds Xüsusi Qüvvələrinin rəhbəri general Qasım Süleymani öldürülüb. Pentaqon generalın öldürülməsinə görə məsuliyyəti öz üzərinə götürüb.

Qeyd edilir ki, əməliyyatın məqsədi gələcəkdə İran tərəfindən hücumların qarşısını almaq olub.