Bu gün İranın paytaxtı Tehranda üçmərtəbəli binada partlayış olub.

KONKRET.az xəbər verir ki, bu barədə İranın Yanğınsöndürmə Təşkilatının sözçüsü Cəlal Məliki məlumat verib.

O bildirib ki, partlayış zamanı 4 nəfər ölüb:

“Ölənlərdən 3-ü kişi, biri isə qadındır. Binada axtarış əməliyyatları davam etdirilir”.

Məliki əlavə edib ki, indiyədək binadan müxtəlif yanıq xəsarətləri ilə 5 qadın çıxarılıb:

“Partlayışa səbəb partlayıcı maddələrin saxlanması olub. Bəzi şəxslər axırçərşənbə ilə əlaqədar kustar üsulla pirotexniki vasitələr hazırlayırlar. Bu isə partlayışların baş verməsi ilə nəticələnir”.