KONKRET.az Orta Asiya ölkələri üzrə bürosu xəbər verir ki, Nur-Sultan şəhərinin məhsul və xidmətlərin keyfiyyət və təhlükəsizliyinə nəzarət departamentinin müdiri Sadvakas Bayqabulov paytaxtdakı tələbələr arasında qida zəhərlənməsi faktını şərh edib.

Qeyd edək ki, Qazaxıstan Aqrotexnika Universitetinin tələbələri ikinci dəfə qida zəhərlənməsi nəticəsində S.Seyfullin adına yoluxucu xəstəliklər xəstəxanasına yerləşdiriliblər. Bundan sonra universitetdə ictimai iaşə xidmətləri nəzarətə götürülüb. Hazırda epidemioloji qida zəhərlənməsi faktına dair tələbələr arasında araşdırma aparılır.

Xatırladaq ki, keçən ilin sentyabrında bu universitetin 16 tələbəsi qida zəhərlənməsi nəticəsində şəhər yoluxucu xəstəliklər xəstəxanasına yerləşdirilmişdi. 2018-ci ildə Universitetin yeməkxanasında çoxsaylı sanitar qaydaların pozulmasına görə cavabdeh sahibkara böyük məbləğdə cərimə tətbiq olunmuşdu.