Ekvadorun Alausi şəhərində torpaq sürüşməsi nəticəsində 64 nəfər itkin düşüb.

KONKRET.az TASS-a istinadən xəbər verir ki, bu barədə ölkənin Fövqəladə Hallar İdarəsi məlumat yayıb.

“7 nəfər ölüb, 23 nəfər yaralanıb, 64 nəfər itkin düşüb”, – məlumatda deyilir.

Fəlakət zonasına Prezident Gilyermo Lasso da baş çəkib. O, axtarış-xilasetmə əməliyyatının qarşıdakı gecə ərzində davam etdiriləcəyini bildirib.

Qeyd olunub ki, martın 27-nə keçən gecə sürüşmə yaşayış binalarını uçurub. Ümumilikdə təbii fəlakət zonasında 500 nəfər olub. Beynəlxalq Qırmızı Xaç Komitəsi 163 evin dağıldığını və ya zədələndiyini açıqlayıb.

İqbal Rzayev,

KONKRET.az