Türkiyənin Sivas vilayətinin Gürün rayonunda sərnişin avtobusu aşıb.

KONKRET.az xəbər verir ki, bu barədə “Anadolu” məlumat yayıb.

Bildirilib ki, qəzada 2 nəfər ölüb, 20 nəfər yaralanıb.

Qeyd olunub ki, qanunsuz köç edən miqrantları ölkədən geri qaytarma məntəqəsinə aparan avtobus Malatya-Kayseri yolunun Mazikiran ərazisinə düşən hissəsində aşıb.

Hadisəyə səbəb sürücünün idarəetməni itirməsi olub, sürücünün şəxsiyyəti və avtobusun dövlət nömrə nişanı dəqiqləşdirilməyib.

Müvafiq qurumlar hadisə yerinə cəlb edilib.