Türkiyənin səhiyyə naziri Fahrettin Koca sosial mediada paylaşılan və müzakirələrə səbəb olan zəlzələ bölgəsi fəaliyyətləri ilə bağlı videoya görə üzr istəyib.

KONKRET.az xəbər verir ki, nazir sözügedən video ilə bağlı üzrxahlıq mesajı paylaşıb.

Koca, “1 dəqiqə 53 saniyə üçün üzr istəyirəm. İki gün əvvəl sosial mediamızda yayımlanan bir videoda ünsiyyət probleminə diqqət yetirə bilmədim. Görüntülər ortaq hissimizin dilindən çox uzaq idi. Videonu sildim. Bütün diqqətimiz təbii fəlakət bölgəsində öz vəzifəmizə yönəlib. Üzürlü sayın”, – deyə mesajda qeyd olunub.