Ukrayna Silahlı Qüvvələrinə məxsus pilotsuz uçuş aparatları (PUA) Kronstadt, eləcə də Sankt-Peterburqun Kirovski və Krasnoselski rayonlarında yerləşən infrastruktur obyektlərinə hücum edib.

KONKRET.az xəbər verir ki, bu barədə Sankt-Peterburq qubernatoru Aleksandr Beqlov məlumat verib.

Onun sözlərinə görə, hücum nəticəsində bir neçə nəfər xəsarət alıb, müxtəlif obyektlərə ziyan dəyib.

Məlumata əsasən, Leninqrad vilayəti üzərində Ukraynaya məxsus 50 pilotsuz uçuş aparatının vurulduğu bildirilir.

Hadisənin nəticələri və zərərin miqyası ilə bağlı araşdırmalar davam edir.

Müşviq Tofiqoğlu
KONKRET.az