172 ölkə beynəlxalq koronavirus peyvəndi üçün COVAX mexanizminə qoşulub.

KONKRET.az xəbər verir ki, TASS bu barədə Cenevrədə keçirilən brifinqdə Ümumdünya Səhiyyə Təşkilatının (ÜST) baş direktoru Tedros Adhanom Qebreisusun açıqlamasına əsasən məlumat yayıb.

Bildirilir ki, onların məqsədi koronavirus peyvəndləri tapıldığı zaman bütün ölkələri bərabər səviyyədə təmin etməkdir.

Qebreisusun sözlərinə görə, hazırda portfeldə doqquz peyvənd var.

O, qeyd edib ki, ölkələrin qlobal COVAX mexanizmində iştirakı peyvəndlərin qiymətini mümkün qədər aşağı səviyyədə saxlayacaq.