“YouTube” Ukrayna prezidenti Volodimir Zelenskinin parodiyaları ilə tanınan bloger Maks Komikadzenin kanalını bloklayıb.

KONKRET.az xəbər verir ki, bu barədə bloqqer öz Telegram kanalında məlumat verib.

“Pis xəbər – Demokratik YouTube icma qaydalarını pozduğuna görə kanalımı sildi. Gördüyünüz kimi, başqa səbəbləri izah etmədilər ” – deyə bloger video hostinq administrasiyasının məktubu ilə ekran görüntüsünü paylaşıb.

Bloger də öz növbəsində YouTube-u siyasi motivli olmaqda ittiham edib. O, həmçinin bildirib ki, Amerika video hostinqi öz səlahiyyətlərindən “fikir və yaradıcılığı ayrı-seçkilik etmək” üçün istifadə edir. Bloger videolarını çəkməyə davam edəcək, lakin indi onları Rusiyanın video hostinq saytlarında yayımlayacaq.

Maks Komikadze rusiyalı bloger, parodist və komediyaçıdır. O, 2022-ci ilin iyulunda Çeçenistan rəhbəri Ramzan Kadırovun nəzarəti altında Zelenski qiyafəsində Ukraynanın təslim aktını imzaladığı videonun dərcindən sonra şöhrət qazanıb.