Zelenskayanın müharibədən xəbəri yox imiş – Bunkerdə MÜSAHİBƏbackend

Zelenskayanın müharibədən xəbəri yox imiş - Bunkerdə MÜSAHİBƏ

“Açığı heç kim mənimlə hərbi sirləri paylaşmırdı. Müharibə olacağına inanmırdım. Hətta mənim pasportum da hazır deyildi”.

KONKRET.az xəbər verir ki, bu sözləri Ukrayna Prezidenti Volodimir Zelenskinin həyat yoldaşı Yelena Zelenskaya “The Guardian”a müsahibəsində deyib.

Fevralın 24-də eşidilən bomba səslərinin atəşfəşanlıq olmadığını dərhal anlayan birinci xanım yataqda tək olarkən bu mənzərənin şahidi olduğunu deyib. Zelenskaya çarpayıdan sıçrayaraq qonşu otağa keçib və ərini kostyum geyinmiş, qalstuk taxaraq işə hazır gördüyünü bildirib.

O, sonra baş verənləri belə izah edib: “Mən ondan soruşdum ki, nə baş verir? Mənə “başladı” dedi. Özümü paralel reallıqda hiss etmirdim”.

Ukraynanın birinci xanımı bildirib ki, Volodimir Zelenski paytaxt Kiyevin mərkəzindəki prezident binasında təhlükəsizlik şurasının iclasına getmək üçün evi tərk edib və o, uşaqları ilə tək qalıb. Sığınacağa uşaqları ilə getdiklərini söyləyən Zelenskaya, zaman-zaman birinci mərtəbəyə qalxaraq nə baş verdiyini anlamağa çalışdığını, onların üzərindən keçən döyüş təyyarələrinin Ukraynaya, yoxsa Rusiyaya aid olduğunu təxmin etməyə çalışdığını vurğulayıb.

Nəhayət, həmin gün axşam saatlarında ərini görə bildiyini deyən birinci xanım bu görüşün harada olduğunu açıqlamayıb. Zelenskaya qeyd edib ki, həmin andan etibarən onlar uşaqlarla birlikdə daha təhlükəsiz yerə köçüblər. İşğalın sonrakı günlərində mətbuatda əksini tapan “Rusiyanın Volodimir Zelenskidən sonra 2 nömrəli hədəfi” olması xəbərinə gəlincə, “bu barədə çox düşünməməyə çalışıram. Əks halda, mən paranoyak olaram” deyib.

Birinci xanım, həmçinin vurğulayıb ki, mətbuata nə qədər az danışsa, bir o qədər təhlükəsiz olacaq.

“Birinci xanım” mövqeyinin vacib olduğunu deyən Yelena Zelenskaya keçən il Kiyevdə keçirilən və Əminə Ərdoğanın videomüraciət göndərərək iştirak etdiyi “Lider Xanımlar Zirvəsi”ndən də söz açıb.

O, bu il tədbirin onlayn formatda keçiriləcəyinə ümid etdiyini bildirib. Bundan əlavə, keçən ay Ukraynada ABŞ-ın birinci xanımı Cil Baydenlə görüşdüklərini deyən Zelenskaya, Fransanın birinci xanımı Bricit Makron və Belçika kraliçası Mathildedən ona telefon zəngi gəldiyini və dəstəklərinə görə təşəkkür etdiyini vurğulayıb.

Qeyd edək ki, Yelena Zelenskaya müsahibəni bunkerdə verib./Modern.az/

Bir cavab yazın

Sizin e-poçt ünvanınız dərc edilməyəcəkdir.

*

*

*